Chuk mong nam moi!

Frå mandag til fredag levde The Travelling Triplets eit meget roleg og urbant liv i Vietnams hovudstad, Hanoi. Etter ei litt lang reise med mellomlanding i både Qatar og Bangkok, kom vi døgnville og slitne til Hanoi mandag ettermiddag. Det første vi oppdaga var at tempetraturen hadde sunke med sikkert 20 grader i forhold til Tanzania, og det andre var at dei kunne enda dårlegare engelsk her. Så her var det berre å omstille seg til Vietnammodus!

Dagane i Hanoi vart i hovudsak brukt til å vandre i gatene, og ete på diverse restaurantar og cafear. Hanoi er kjent for sine mange scooterar og aggresive køyrestil, så det kunne vere ganske spennande å krysse gata. Det var òg interessant å sjå kor mykje dei fekk plass til på ein scooter. Familiar på fire var ikkje uvanleg, og heller ikkje eit stort skrivebord, gullfiskar i plastposar eller eit lass med høner.

 

Den veka vi var i Hanoi feira Vietnamesarane nyttår, eller tet som dei kallar det. Dette er ein stor festival som varer i fleire dagar og er som ein folkefest for Vietnamesarane. Onsdag kveld var hovudfeiringa, og vi deltok sjølvsagt! (sia vi faktisk gikk glipp av den norske nyttårsfeiringa). Hostellet vi budde på hadde pub på taket med dobbel happy hour og vietnamesisk mat, etter å ha vore der litt gikk vi ut på byn, og ved midnatt var det fyrverkeri og god stemning! Chuk mong nam moi! (godt nytt år)  

 

Vi kjøpte oss ei kopiert lonely planet bok (med andre ord ei veldig billig utgave) og fekk på denne måten oversikt over dei beste matplassane i byen. Mellom anna var vi innom Fanny, som hadde fantastisk is i alle variantar!

Fredag møtte vi Gap Addventure gjengen som vi no reiser gjennom Laos saman med. Det har vore mykje busskøyring dei siste dagane, i tillegg til mange andre kjekke ting som kjem i eit anna innlegg ;)